Link açıqlığı

Ukraina Birleşken Milletler Teşkilâtını «Rusiyege Qırımnı arbiy lagerge çevirmege izin bermemek» çağırdı


Ukraina Tış işler nazirliginiñ baş muavini Sergiy Kislitsa Jenevada açılğan insan aqları boyunca BMT Şurasınıñ 28-nci sessiyasında çıqışta bulunıp, Qırımda insan aqlarınıñ bozuluvına diqqat etmege çağırdı, – haber ete RİA Novosti.

Onıñ sözlerine köre, BMT ve İnsan aqları boyunca Mahkeme «iç bir zaman Rusiyege Qırımnı arbiy lagerge, sakinlerini ise – mabüslerge çevirmege izin bermemeli».

Bunıñ içün, Kislitsanıñ aytqanı kibi, BMT insan aqları saasında halqara añlaşmalarınıñ amelge keçirilmesi içün bütün imkânlarnı qullanmalı.

Öz çıqışında Ukraina Tış işler nazirliginiñ baş muavini Rusiyeniñ Ukrainağa nisbeten istilâsını «İslâm devleti» terroristik teşkilâtınıñ areketleri ile qıyasladı.

«Terrorizm, separatizm ve sabırsızlıq çeşit şekil ve numayışlarda aks etile, Rusiyeniñ Ukrainadaki istilâsı olsun, Nigeriyada «Boko Haram» (gruppasınıñ terroristleri tarafından) keçirilgen ücümler olsun, «İslâm devleti» boyevikleriniñ zalım numayışları olsun», – dedi Ukraina Tış işler nazirliginiñ başı.

Kiyev, AQŞ ve Ğarp memleketleri Rusiyeni Ukraina şarqında separatistlerge qol tutqanında qabaatlay. Moskva qabaatını tanımay.

XS
SM
MD
LG