Link açıqlığı

Moskva Ukrainada insan aqları boyunca BMT nezaret eyyetiniñ nevbetteki arizasında olğan malümatnı yañlış tanıdı. Bunı bazarertesi künü mart 2-de Rusiye Federatsiyası Tış işler nazirliginde bildirdiler.

«İnsan aqları boyunca BMT yuqarı komissarınıñ idare eyyetiniñ maqsadı – memlekette vaziyetni eyileştirecek doğru malümatnı bermektir. Bu sebepten kene şunı hatırlaymız ki, Qırım Cumhuriyeti yarımada sakinleriniñ qanuniy iradesi ile Rusiye Federatsiyasınıñ subyekti ola ve Ukrainadaki BMT eyyetiniñ mandatına kirmey», – denile Rusiye tış işler nazirliginde.

Bunıñ ile, olarnıñ fikrine köre, «çıqarılğan neticelerniñ episi doğru degil». Rusiye tış işler nazirliginde qayd etilgeni kibi, nezaretçiler «şübeli qaynaqlardan alınğan malümattan faydalanıp, neticelerni çıqara».

Rusiye tış işler nazirliginde Donbassta gumanitar faciasınıñ olğanını aytıp, Minsk añlaşmalarınıñ emiyetini qayd ettiler.

XS
SM
MD
LG