Link açıqlığı

Rusiye işğaliniñ bir yılı devamında yarımadanı terk etken qırımtatarlarnıñ sayısı 3 biñ insannı teşkil etti.

Böyle malümatnı Krım Media agentligine аkimiyetniñ tarafdarı «Qırım birligi» cemaat teşkilâtınıñ reisi bldirdi.

Onıñ sözlerine köre, Qırımnı mart 16 künü keçirilgen referendumdan soñ terk etken qırımtatarlarnıñ esas qısmını radikal musulman teşkilâtlarınıñ faalleri teşkil etti, şu cümleden, «Hizb ut-Tahrir», vahhabitler ve ilâhre, bunıñ ile prokuratura ve içki işler hadimleri.

O şunı da bildirdi ki, qırımtatar halqınıñ esas aqları Rusiyeli Qırımda bozulmay, amma qırımtatarlarnıñ akimiyet ve cemaat nezareti organlarında temsilciliginiñ seviyesi alçaq olğanını da qayd etti.

«Misal içün, Cumhuriyetiniñ cemiyet palatasında 40 azadan tek biri qırımtatarıdır, onı da siyrek köremiz. Qırım Devlet şurasında da aynı vaziyet. Milletlerara barışıq müitinde yaşamaq içün vaziyetni deñiştirmelimiz», – dey «Qırım birligi»niñ başı.

Evel qırımtatarlarnıñ milliy yetekçisi Mustafa Cemilev vaqtınca işğal etilgen Qırımdan tahminen doquz biñ qırımtatarınıñ çıqması aqqında bildirgen edi.

XS
SM
MD
LG