Link açıqlığı

Saatnıñ esas haberi

Kiyevde faaller Qırım – Ukraina olğanını hatırlattılar


Kiyev – fevral 28 künü, Kiyevde Mustaqillik Meydanında «Qırım – Ukrainadır» numayışı keçti. Teşkilâtçılar arasına Krım.SOS, Yevromaydan.SOS, Qırım diasporası ve diger cemaat teşebbüsleri kirdi.

Aktsiyada yüzden ziyade insan iştirak etti, olarnıñ arаsında işğal etilgen yarımadadan mecburen köçip kelgenler de bar edi.

Fleşmob devamında iştirakçiler: «Krım – tse Ukraina» («Qırım – Ukrainadır») şiarına tizildiler. Bundan da ğayrı, Maydanda Qırım tabiatına ve bıltır yüz bergen vaqialarına bağışlanğan foto sergisini azırladılar. Bir qas iştirakçi qırımtatar bayrağını yaydı.

Aktsiya teşkilâtçılarından biri, Faal gençler birliginiñ prezidenti Mariya Gontarenko Qırım.Aqiqat saytına aytqanı kibi, tedbir «Qırım – Ukraina» olğanını hatırlatmaq ve şimdi Qırımda siyasetçiler tarafından zarar körgen insanlarğa qol tutmaq maqsadı ile keçti.

«Ukrainağa, akimiyetke işbu devletniñ bir qısmı olğanımıznı hatırlatmaq keldik. Epimiz bugün Qırım qısımları edik, bazıları – Ukraina qısmı, umumen, bugün böyle areket etkenimiz pek timsaliy bir şeydir. Zanımca, küreş devam etmeli, yıl evelsi olğanını unutmayıp, Qırım oğrunda küreşmek kerekmiz», – dep tarif etti Qırım.Aqiqat saytına Qırım Yevromaydan iştirakçisi İsmail İsmailov.

Neticede teşkilâtçılar Mustaqillik Meydanında Rusiye muhalif siyasetçi Boris Nemtsovnıñ hatırasına bağşılnğan aktsiyağa qoşulmağa çağırdılar.

В Киеве провели акцию в поддержку крымчан
Bekleñiz, lütfen

No media source currently available

0:00 0:01:11 0:00

2014 senesi fevralniñ soñunda – martnıñ başında Rusiye ve Rusiyeniñ Qara deñiz flotunıñ qırım bölüklerinden ordular Qırım yarımadanı zapt ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne AQŞ neticelerni tanımadı ve bunı Rusiye tarafından Qırımnıñ işğali olaraq sayalar.

XS
SM
MD
LG