Link açıqlığı

Saatnıñ esas haberi

Ukrain diplomatları «Qırım – Ukrainadır!» twitter aktsiyasına qoşuldılar


«Qırım – Ukrainadır! Er alda» leyhasınıñ logosı
«Qırım – Ukrainadır! Er alda» leyhasınıñ logosı

Rusiye tarafından Qırım işğaliniñ yıllığına başlanğan «Qırım – Ukrainadır!» twitter aktsiyasına ukrain diplomatları da qoşuldı, dep haber ete Radіo Svoboda.

Twitter-aktsiyası fevral 23-28 künleri Facebook ve Twitter içtimaiy ağlarında keçe. Cemaat teşkilâtlarınıñ faalleri Qırım aqqında hatırlav, foto, videolarnı paylaşıp, #CrimeaisUkraine heştegini qoşmağa ve: «Krım – eto Ukraina!», «Krım – tse Ukraina!», «Qırım Ukrainadır», «Crimea is Ukraine» ibarelerini tarqatmağa çağıra edi.

«New-Yorkta: barıştırıcılarnı muzakere etmek ve Qırım er alda Ukraina olğanını hatırlatmaq içün!» – dep yazdı Ukraina tış işler naziri Pavlo Klimkin.

Ukrainliler Qırımda yapılğan eski fotolarını paylaşıp, aktsiyağa qoşuldılar:

Aktsiyanı cemaat teşkilâtları azırladı. Maqsadı – akimiyet ve cemiyetke Rusiye tarafından yarımadanıñ işğali, anda yaşağan vatandaşlarnıñ qıyın vaziyeti aqqında hatırlatmaq ve Qırımnıñ qaytarılmasına er kesni celp etmektir.

Twitter aktsiyası fevral 23 künü başlandı. Yıl evelsi şu künü Aqyarda Nahimov meydanında Rusiye tarafdarlarınıñ mitingi keçti, Rusiye Federatsiyası planında birinci adım etildi.

XS
SM
MD
LG