Aqmescit rayonı Yañı Sarabuz köyünde cumaertesi, fevral 28-de, qanunsız qurulışlarnı yoq ettiler.
Bu aqta Qırım ükümetiniñ matbuat hızmeti bildire.
Yañı Sarabuzda dört «narazılıq meydanı» bar, afta devamında olarnı bütünley devirecekler, denile müessisede.
«Qırımda «narazılıq meydanlarında» qanunsız qurulışlarnıñ göñülli devirilmesi devam ete. Qanuniy sürette topraq damartısını elde etmege istegen qırımlılarnı umumiy vazife birleştirdi», – dep ayta Qırım baş nazir muavini Ruslan Balbek.
Onıñ sözlerine köre, eñ yaqın vaqıtta «Qırım bütünley qanunsız qurulışlardan temizlenir».
Evel Qırım mülkiyet ve topraq munasebetler naziri Aleksandr Gorodetskiy yarımadada 1600 qanunsız inşaat bar olğanı aqqında bildirgen edi.
