Link açıqlığı

«Batkivşçına» firqası Qırım teşkilâtınıñ yolbaşçısı Andriy Sençenkonıñ fikirince, Qırım Devlet Şurasınıñ reisi Vladimir Konstantinov yarımadanıñ işğaline 2013 senesi küzde azırlıq körmege başlağan edi.

Bunı Tsentr jurnalistskih rassledovaniy bildire.

«Bilem ki, Kiyevdeki Maydan vaqialarından evel, oktâbr-noyabr aylarında, Vladimir Konstantinov (2013 senesi küzde – Qırım Yuqarı Radasınıñ spikeri) Moskva ziyaretinden soñ Qırım Yuqarı Radasınıñ uquq hızmetiniñ reberini çağırıp, 1954 senesiniñ seneti boyunca («Qırım vilâyetini Rusiye Sovet Federativ Sotsialistik Cumhuriyetinden Ukraina Sovet Sotsialistik Cumhuriyetine berilmesi aqqında» seneti, – muar.) bütün vesiqalarnı ketirmege rica etken edi. Bese-belli, bunı azırlay ediler», – dep ayttı Andriy Sençenko.

2014 senesi fevralniñ soñunda – martnıñ başında Rusiye ve Rusiyeniñ Qara deñiz flotunıñ qırım bölüklerinden ordular Qırım yarımadanı zapt ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne AQŞ neticelerni tanımadı ve bunı Rusiye tarafından Qırımnıñ işğali olaraq sayalar.

XS
SM
MD
LG