Link açıqlığı

Qırım akimiyeti Rusiye masraflarınıñ qısqartılması Qırımğa tesir etmeycegini vade ete


Qırım maliye naziri Vladimir Levandovskiyniñ aytqanına köre, Qırım akimiyeti rubl fiyatınıñ deñişmeleri ile bağlı Rusiye Federatsiyasınıñ bücetinde masraflarnıñ qısqartılması Qırımğa ait maddelerge tesir etmeycegi aqqında añlaştı.

Bunı o fevral 27-de matbuat konferentsiyasında bildirdi, dep haber ete akimiyetniñ Krıminform saytı.

«Federal bücetinde qayd etilgen raqamlar deñişmedi. Ebet, şimdi Rusiyeniñ maliye nazirligi masraflarnı qısqartacaq ola. Lâkin şimdilik, kelişkenimizge köre, bu adımlar Qırımğa tesir etmeycek. Planlaştırılğan masraflar deñişmemek kerek», – dep ayttı Levandovskiy.

Qırım maliye nazirliginiñ malümatına köre, 2015 senesi yanvar-fevral aylarında Qırım bücetine 1,7 mlrd ruble bergi ve bergilerden tış kâr olaraq keldi, 8,8 mlrd ruble federal bücetten masraflarnıñ ödenmesine berildi ve 145,6 mln ruble federal bücetniñ yardımı olaraq keldi.

XS
SM
MD
LG