Link açıqlığı

2014 senesi fevral 28-de qızım İstanbulğa ketecek edi. Men aqayımnen beraber onı Aqmescit ava limanına alıp kettik. Halqara ava yollarınıñ binası yanında maşinanı toqtattıq, birden añlaşılmağan qara bir urbada yigirmi kişi yaqınlaştı. Men bizni başqa seyyareniñ adamları qarşılay, dep şaqa ettim.

Soñra qara mikroavtobus keldi, andan Rusiye Devlet dumasınıñ eki deputatı, Tsekov ve daa bir qaç çıqtı. Tabiiy ki, bizni sarıp aldılar ve bu eyyetten uzaqlaştırdılar, bir çoq mühbir ve jurnalist bar edi.

Türk ava yollarınıñ uçağını beklegende is etken duyğularımnı ifade etmek zordır, soñra da İstanbuldan uçaqnıñ enmesi aqqında haber bekledik

Soñra biz bina tarafına kettik, lâkin qavehaneni yeşil urbada silâlı adamlar sarıp alğan edi, qızım birden telefonını alıp, foto çıqarıp başladı, lâkin avtomat ile adamlardan biri oña yaqınlaşıp, sert bir şekilde mından çekilmek kerek olğanını ayttı. Soñra biz uçaqqa qayd olmağa kettik ve uçaqnı beklemege başladıq.

Tahminen 3 saat keçti, Türkiye uçağı ava limanını belgisiz silâlı adamlar zapt ettiler dep, enmedi. Bizler ava limanında aqşamğa qadar oturdıq, çünki daa bir uçaq kelecek edi, lâkin o da enmeyip, aylanıp ketti.

Ava limanınıñ izni olmağanından sebep uçaqlar qonmay, dep ayttılar, yalıñız bir Moskva uçağı engen edi. Soñra türkler qorqıp qonmağa istemegenlerini bildirmege başladılar.

Ava limanında bir sıra silâlı adamlar bar edi, ve olar qırımlılardan degil ediler. Bazılarınıñ yanına barıp, yüz ve qollarında Qırımğa ait olmağan yanmışlıqnı kördim. Daa doğrusı, onıñ olmağanını añladım .

Aqşam beklemekte fayda olmağanını ve er şeyni telefon vastası ile ögrenmek mümkün olğanını ayttılar, biz evge qayttıq. Lâkin ava limanınıñ çıqışında avtobus durağınıñ artında patlav yüz berdi. Bu deşetli levhalarnı tasvirlemek zor. Qızım ve men bir qaç kün yuqlap olamay edik.

Mart 1-de bizge telefon etip, işğalciler ile añlaşqanını ve türkler 300 adamnı sığdıracaq uçaq yollaycaqlarını ayttılar. Bizler zapt etilgen ava limanına tekrar keldik. Aynı silâlı adamlar, bir sıra silâ, açuv ve qorqu. Türk ava yollarınıñ uçağını beklegende is etken duyğularımnı ifade etmek zordır, soñra da İstanbuldan uçaqnıñ enmesi aqqında haber bekledik.

Adiy Qırımlı

«İşğal delilleri» rubrikasında bildirilgen fikirler müelliflerniñ fikir-tüşüncelerini aydınlatıp, muarririyetniñ fikirleri ile aynı olmay bile

Körgen ve bilgen şeyleriñizni bizlernen paylaşıñız, emailge yazıñız: krym_redaktor@rferl.org

XS
SM
MD
LG