Link açıqlığı

İspaniyada Ukraina zıddiyetinde iştirak etken 8 adamnı yaqaladılar


Donbasstaki cenk uruşlarında iştirak etken ispanlılar

İspaniya Ukrainanıñ şarqiy regionlarında Rusiyege qoltutqan separatistlerniñ tarafında cenkleşken sekiz vatandaşını yaqaladı.

Politsiya vekillerinin aytqanına köre, adları aydınlatılmağan adamlarnı İspaniyanıñ altı regionında fevral 27-de yaqaladılar: Asturiya, Kataloniya, Estremadura, Mursiya, Navarra ve Madrid.

Politsiyanıñ beyanatında aytıla ki, olardan sekiz kişini bir qaç cinayette qabaatladılar, lâkin tafsilâtlı malümatlar berilmey.

İspaniyanıñ kütleviy haber vastaları bildire ki, yaqalanğanlarnı silâ qullanmasında ve Ukraina zıddiyetinde İspaniyanıñ bitaraflığını bozğanlarında qabaatlaylar.

Ukraina şarqında Rusiyege qoltutqan boyevikler ve ukrain ükümet orduları arasında zıddiyet keçken seneniñ aprel ayından berli devam etmekte. Neticede 5,6 biñ insan elâk oldı, yüz biñlernen kişi evini terk etmege mecbur oldı.

XS
SM
MD
LG