Devlet şurası fevral 27 künü daa bir qaç obyektlerniñ cumhuriyet mülkiyetine qoşuluvı aqqında qarar çıqarıp, işğal etilgen Qırımda «milliyleştirüv» ketişatını toqtattı, dep haber ete Qırım.Aqiqat mühbiri.
Şu cümleden, Qırım mülkiyeti sırasına «Krımavtotrans» mülki, GSM anbarı ve Aqmescitte «Qırım yaqarlıq birliginiñ», «Yaltinskiy», «Zori Ukrainı» şifahanesi, Aqmescitte ukrain fond birjasınıñ, Yalta kinostudiyasınıñ mülki kirdi.
«Bugün, vade etkenimiz kibi, milliyleştirüv aqqında soñki qarar aldıq…Milliyleştirüv ketişatını toqtatamız», – dedi toplaşuvda Qırımnıñ öz başına tayin etilgen baş naziri Sergey Aksönov.
Qırım şirketleriniñ «milliyleştirüvi» bir yıl süre edi. Cevdelge, Ukrtelekom Qırım bölügi, «Krımenergo» şirketi, İgor Kolomoyskiyniñ mülki, «Çernomorneftegaz» aktivleri kirdiler.
