Rusiye «gumanitar yardımı» Ukraina akimiyetiniñ nezaretinde olmağan ukrain devlet sıñırına keldi.
Bunı Rusiye fevqulâde işler nazirliginiñ memurı Оleg Voronov bildirdi.
«Yol boyu Rusiye fevqulâde işler nazirliginiñ kolonnası ekige bölündi. Biri Donetsk kiriş noqtasına keldi, ekincisi – Matveyev-Kurganğa, mında yüklerniñ gümrük resmiyleştirüvi başlandı», – dep bildire Voronovnıñ sözlerini TASS Rusiye agentligi.
Agentlikniñ malümatına köre, Donetsk kiriş noqtasında bir 80 maşina Rusiye tarafdarları olğan boyeviklerniñ nezareti altındaki Lugansk vilâyetine, daa 80 – «DHC» nezaretinde olğan Donetskke ketecek.
