Qırımda Bağçasaray rayonı Kоkluz köy camisinde sadaqa aqçasını hırsızladılar.
Bunı Qırım Musulmanları Diniy idaresiniñ matbuat hızmeti bildire.
Camide fevral 25 künü abrav keçti. QMDİde bildirilgeni kibi, eki afta içinde bu endi beşinci abrav oldı.
Cami imamı Dilâver Türinniñ sözlerine köre, cinayetçi, belki de, aqçanı üyle namazından soñ hırsızladı. 9 biñ ruble miqdarında hayriye aqçası hırsızlandı.
Vaqia yerine uquq qoruyıcı organları çağırıldı, olar zaruriy tedbirlerni keçirip, protokol tizdiler.
Qırım Musulmanları Diniy idaresi kene de cami imamlarını, musulman cemiyetleriniñ reislerini camilerde aqça ve qıymetli şeylerni qaldırmamağa çağıra.
Malüm olğanı kibi, Qırımda eki kün içinde üç camide hırsızlıq oldı. Fevral 9-dan fevral 10-na keçer gecesi Aqmescit rayonınıñ Mamaq köyündeki «Yeşil camide» hırsızlıq oldı. Fevral 9-da aqşam Qurman rayonınıñ Büyük Onlar qasabasında belgisiz şahıslar camige kirip, sadaqa parasınıñ qutusından para aldılar. Fevral 9-dan 10-na keçer gecesi İslâm Terek rayonı Tamğacı (İzümovka) köy camisinde hırsızılq yüz berdi. Gece, fevral 19-da, belgisiz insanlar Bağçasaray rayonı Büyük Süyren köyüniñ ibadet evine kirdiler.
