Link açıqlığı

Saatnıñ esas haberi

Gürcistan akimiyeti tanılmağan topraqlarnıñ Rusiye tarafından işğal etile bileceginden çekine


Rusiyeniñ Cenübiy Оsetiya ve Abhaziyanıñ separatist rejimleri ile añlaşmalarnıñ imzalanuvı Rusiye devletiniñ Gürcistannıñ işbu topraqlarını işğal etmek niyeti bar olğanını tasdiqlay.

Bunı Gürcistan baş naziri İrakliy Garibaşvili bildirdi, dep haber ete Radіo Svoboda.

«Ukrainadaki şimdiki buhranı bizde qasevet doğura ve Avropa qıtasındaki vaziyetni kerginleştire. Rusiyeniñ Cenübiy Оsetiya ve Abhaziyanıñ separatist rejimleri ile añlaşmalarnıñ imzalanuvı Rusiye devletiniñ Gürcistannıñ işbu topraqlarını işğal etmek niyeti bar olğanını tasdiqlay», – dedi Garibaşvili fevral 26 künü, Brükselde.

Rusiye Abhaziya separatist rejimleri ile «işbirlik ve strategik şerikdeşlik aqqında añlaşma»larnı imzaladı, 2015 senesi fevral 4 künü Rusiye prezidenti Vladimir Pгtin onıñ amelge keçüvi aqqında qanunnı imzaladı.

Fevral 18 künü Rusiye tış işler naziri Sergey Lavrov ve Cenübiy Оsetiya «tış işler naziri» «devlet sıñırı» aqqında añlaşmanı imzaladılar.

Rusiye Cenübiy Оsetiya ve Abhaziyanıñ, Pridnestrovye ve Moldovanıñ separatist regionlarında öz başına tayin etilgen akimiyetlerine qol tuta.

XS
SM
MD
LG