Qırımtatar Milliy Meclis reisi Refat Çubarov reisi ukrain akimiyetini Rusiye tarafından işğal etilgen Qırım ile naqliyat alâqasını ğayrıdan tiklemege çağırdı, dep haber ete UNİAN.
«Bugün muayyen bir areketlerni yañartmaq kerekmiz, yani Qırımnıñ qaytarılmasından evel yapılacaq areketlerimiz insan aqlarına yönelmek kerek… İşğal etilgen Qırımda ve qıtaiy Ukrainada yaşağanlar arasında eyi munasebetlerniñ olması içün acele naqliyat munasebetini yañartmaq kerekmiz», – qayd etti Çubarov.
Onıñ fikrine köre, «işbu yollarnı qullanala bilecek eki, üç ya da on diversant – mahsus hızmetlerniñ vazifesidir».
Meclis reisi añlatqanı kibi, insanlar qıtaiy Ukrainağa bağlıdır ve işbu bağnı saqlamaq isteyler. Onıñ sözlerine köre, bir taraftan ukrain akimiyeti ticaret içün yolnı aça, diger taraftan – insanlar arasında eyi munasebetniñ olmasına imkân bermey.
