Link açıqlığı

Rusiye Federatsiyasınıñ mahsus hızmetleri tarafından yaqalanılğan Ukraina uçucısı ve halq deputatı Nadejda Savçenko qırımtatar halqınıñ yetekçisi Mustafa Cemilevniñ muracaatına cevaplandı.

Muracaat beyanatı Ukraina Prezidentiniñ qırımtatar halqınıñ işlerinden vekâletlisiniñ saifesinde aşkâr etildi.

«Sayğılı Mustafa, bir vaqıtları apishanede 303 kün açlıq tutıp, halqıñız içün qaramanlıqnı ettiñiz! İşbu areketiñiz olmasa edi, halqınıız, belki de, toprağına qaytıp olamaz edi… Munasip nümünem bar – Sizsiñiz! Açlığım çoq sürmey, amma halqımnıñ Ukraina Toprağında ukrain olması içün, doğru, namuslı ve insaflı ayat yaşap, taqdirini öz başına belgilemek aqqı bar olması içün dayanmağa azırım!» – dey Savçenko.

Uçucı şunı da yazdı ki, adliyecilerden Mustafa Cemilevniñ oğlu, Hayser Cemilev aqqında er vaqıt haber soray eken.

XS
SM
MD
LG