Link açıqlığı

«Levada-tsentr» Rusiye içtimaiy merkezi tarafından keçirilgen fevral soravınıñ neticelerine binaen, rusiyelilerniñ 86% prezident Vladimir Putinniñ faaliyetine qoltuta.

Böylece, yanvar malümatlarına köre rusiyelilerniñ Putinge olğan itibarı bir fayızğa arttı. Cevap bergen adamlarnıñ 13 fayızı devlet yolbaşçısınıñ işi ile memnün degil. 54 fayızı da memleketteki işler doğru ketkenini tüşünmekte.

Bir yıl evelsi, 2014 senesi fevral ayında, devlet yolbaşçısınıñ faaliyetine qoltutqan rusiyelilerniñ sayısı 69 fayıznı teşkil etken edi, 30 fayızı qarşı çıqqan edi. Putinden ğayrı, rusiyeliler mudafaa naziri Sergey Şoygu ve tış işler naziri Sergey Lavrovğa inanalar.

Sorav fevral 20-23 künleri keçirildi. Rusiyeniñ 46 regionınıñ 143 mesken yeriniñ biñ altı yüz sakini soravda iştirak etti.

XS
SM
MD
LG