Cumaaqşamı künü, fevral 26-da, yerli saatke köre saat 12.00 Qırım Devlet Şurasınıñ binası yanında keçken seneniñ vaqialarına bağışlanğan hatıra tahtasınıñ açılış tedbiri keçirilecek.
Bunı Qırım ükümetiniñ matbuat hızmeti bildire.
Olarnıñ malümatına köre, tedbirde Qırım Nazirler Şurasınıñ reberligi iştirak etecek.
2014 senesi fevral 26-da Qırım parlamenti yanında Qırımnıñ Ukrainadan ayırılmasına qarşı çıqqanlarnıñ ve bunıñ tarafdarları olğanlarnıñ büyük mitingi olıp keçken edi. Birinciler saflarında qırımtatarlar, Meclis vekilleri ve Ukrainağa qoltutqan faaller bar edi, olarğa qarşı Sergey Aksenov yolbaşçılıgında «Russkoye yedinstvo» teşkil etken Rusiyege qoltutqan faaller çıqtılar.
Ertesi künü Qırımnıñ memuriy binaları «yeşil adamçıqlar» tarafından zapt etilgen edi.
