Link açıqlığı

Rusiye Federatsiyası Qırımda 40 biñden ziyade arbiyni topladı. Bunı çarşenbe künü, fevral 25-te, qırımtatar halqınıñ lideri Mustafa Cemilev «5 kanal» telekanalına bildirdi, – dep haber ete RBK-Ukraina.

«Eñ azından, anda 40 biñ asker bar. Sıñırda eñ çoq... Canköyde bizim tarafımızğa uçacaq olğan tahminen 60 arbiy uçaq tura», – dep ayttı Mustafa Cemilev.

Onıñ bildirgenine köre, Qırımda «arbiy küç quvetleştirile».

«Qızıltaş... Yaltağa yaqın, sovetler zamanında anda radiatorlar anbarı bar edi... Şimdi onı ğayrıdan tikleyler, gece-kündüz tsementni ketireler... Özek silânı taşığan raketalarnı alıp keleler», – dep qayd etti Cemilev.

Ukraina prezidenti Petro Poroşenko dedi ki, Ukraina Qırım aqqından iç bir vaqıt vazgeçmeycek.

XS
SM
MD
LG