Link açıqlığı

Saatnıñ esas haberi

Adliyeci: «mayıs 3» işi boyunca yaqalanğan Edem Osmanovnı SİZOdan azat ettiler


Çarşenbe künü, fevral 25-te, «mayıs 3» işi boyunca yaqalanğan Edem Osmanovnı SİZOdan azat ettiler.

Bunı adliyecisi Emil Kürbedinov Tsentr jurnalistskih rassledovaniy agentiligine bildirdi.

«Onıñ cezası aman-aman deñişmedi. Apis cezasını kefaletke deñiştirdiler», – dedi adliyeci.

Kürbedinovnıñ aytqanına köre, kefili Qırım devlet şurası reisiniñ muavini Remzi İlyasov oldı.

Edem Osmanov yanvar 19-da Aqmeçitte yaqarlıq noqtasında yaqalanğan edi. Onı 2014 senesi mayıs 3-te qırımtatar halqınıñ lideri Mustafa Cemilevni Ermeni Bazarda qarşılav aktsiyasında uquq qoruyıcı organlarnıñ hadimlerine qarşı küç qullanuvında şekleyler. Yanvar 21-de mahkeme onı eki ayğa apiske almağa qarar aldı.

Keçken sene devamında uquq qoruyıcılar 2014 senesi mayıs 3-te Ermeni Bazarda qırımtatar halqınıñ lideri Mustafa Cemilevni qarşılağan dört adamnı yaqaladı. Edem Ebulisov, Tair Smedlâyev, Musa Apkerimov ve Rustam Abdurahmanovnıñ cezalarını deñiştirip, SİZOdan azat ettiler. Olarnıñ kefili Rusiye prezidentiniñ Qırımdaki vekâletli temsilcisiniñ mesleatçısı Eskender Bilâlov oldı.

XS
SM
MD
LG