Link açıqlığı

Qırımda İçki işler nazirligi qırımlılarnı qanunsız mitinglerde iştirak etüv içün para ve apis cezaları ile qorquza. Yarımada sakinlerine muracaat çarşenbe künü, fevral 25-te, nazirlikniñ resmiy saytında peyda oldı.

«Rusiye Federatsiyasınıñ qanunlarına köre toplaşuv, miting, numayış, yürüş ve piket ötkerilmesini 2004 senesi iyün 19-ğa ait «Toplaşuv, miting, numayış, yürüş ve piketler aqqında» N 54-FZ qanunı ve Qırım Cumhuriyetiniñ 2014 senesi avgust 21-ge ait «Rusiye Federatsiya vatandaşınıñ Qırım Cumhuriyetinde toplaşuv, miting, numayış ve piket aqqını temin etüv şartları aqqında» №56-ZRK qanunı belgilemekte», – aytıla beyanatta.

Qanunsız tedbirlerniñ iştirakçilerini 15 künge qadar apiske ala bileler.

Yol qaidelerini bozıp, yolda bulunğan ve «politsiya hadiminiñ yolnı terk etmek talabına qulaq asmağan» qırımlılarnı 500-1500 rublelik para cezası bekley.

Malüm olğanı kibi, Qırımtatar Milliy Meclisine fevral 22-de cemaat erbabı Noman Çelebicihannıñ ölüminiñ yıllığına bağışlanğan miting keçirilmesini yasaq ettiler.

XS
SM
MD
LG