Link açıqlığı

Bu sene baar ve yazda Rusiyeniñ «Aeroflot» ava şirketi Qırımğa uçmağa planlaştıra. Bunı çarşenbe künü, fevral 25-te, «Aeroflotnıñ» baş müdiri Vitaliy Savelyev bildirdi. TASS bildirgenine köre, Savelyev Rusiyeniñ «Pobeda» ucuz ava şirketiniñ Qırımğa uçmaycağını qayd etti.

«Aeroflotnıñ» baş müdiri «Pobeda» Qırımğa baar-yaz cedveli çerçivesinde uçacaqmı sualini böyle cevap berdi: «Yoq, Qırımğa uçmaycaq. Qırımğa «Aeroflot» uçacaq».

Malüm olğanı kibi, Rusiyeniñ yekâne ucuz «Dobrolet» ava şirketi Qırım uçuşlarını toqtattı. Bunıñ sebebi Avropa Birliginiñ cezaları oldı.

Ava şirketi ile Boeing 737-800NG uçaqlarına tizilgen añlaşmalar bozuldı.

«Aeroflotnıñ» «Pobeda» adlı ucuz ava şirketi 2014 senesi avgust 4-te Avropa Birliginiñ cezalarından sebep ava seferlerini toqtatqan «Dobrolet» yerine keldi. Yañı ava seferler 189 yolcunı sığdırğan Boeing-737 uçağı ile kerçekleştirilecek.

XS
SM
MD
LG