Link açıqlığı

Saatnıñ esas haberi

Ükümet para fiyatlarını tüzetmek içün tedbirler planını belgiledi


Ukrainada para bazarındaki vaziyetni tüzetmek içün yapılacaq tedbirler belgilendi: çarşenbe künü, fevral 25-te, Ukraina prezidenti Petro Poroşenko baş nazir Arseniy Yatsenüv, Yuqarı Rada reisi Vladimir Groysman, Milliy bank reisi Valeriya Gontareva, maliye naziri Natalya Yaresko, RNBO kâtibi Aleksandr Turçinov ve Prezident Memuriyetiniñ yolbaşçısı Böris Lojkinniñ iştiraki ile toplaşuvnı keçirdi.

Radio Svoboda bildirgeni kibi, baş nazir ve maliye naziri ükümet toplaşuvını acele terk etip, Ukraina prezidenti Petro Poroşenkodan Milliy bank yolbaşçısı Valeriya Gontarevanıñ esabat berilmesini talap etmege kettiler.

Toplaşuvda Yatsenüv para bazarında üküm sürgen vaziyetni ğayet kergin dep adladı. Baş nazirniñ fikirince, al-azırda «adamlarnıñ depozit alınmalarını toqtatmaq içün», em de ekspertlerniñ çetelde tutqan parasını qaytarmaq içün belli adımlar atılmaq kerek.

Milliy bank grivnanıñ resmiy fiyatını bir dollar içün 28,04 derecesinde belgiledi. Aynı vaqıtta para bozduruv noqtalarında bir dollarnıñ fiyatı 38 grivnağa qadar arttı, şimdi dollar fiyatı biraz ucuzlaştı.

XS
SM
MD
LG