Link açıqlığı

Qırımda terakt ve cenk areketleri vaqtında çalışacaq mahsus birleşmelerni quracaqlar


Qırımda qaza-qorçalayıcı birleşmeler meydanğa ketirilecek. Böyle bir qarar çarşenbe künü, fevral 25-te, Qırım Nazirler Şurasınıñ Or Qapıda keçirilgen toplaşuvında qabul etildi.

Qırım ükümetiniñ matbuat hızmeti bildire ki, bu birleşmeler Qırımda terroristik areketlerniñ aqibetlerini yoq etecek ve cenk areketleri keçirilgende qaza-qorçalayıcı işlerni yapacaq.

Olar yanğınlar ile küreş, radioaktiv, himik, biologik ve diger zeerlenüvge oğrağan rayonlarnıñ tapılması, em de fevqulâde vaziyetlerniñ yoq etilmesinde iştirak etecekler.

Qırım icra akimiyetiniñ organları bunıñ kibi birleşmelerni mahsus azırlanğan hadimlerinden şekillendirecekler.

XS
SM
MD
LG