Link açıqlığı

İşğal etilgen Qırımda uquq qoruyıcı teşkilâtlarınıñ işi ile ciddiy problemler bar. Olarnıñ faaliyeti blok etile, dep bildire İnsan aqları boyunca Ukrain Helsink birliginiñ strategik işleri fondunıñ müdiri Mihail Tarahkalo Kiyevde fevral 25 künü keçirilgen matbuat konferentsiyasında.

«Olarğa (uquq qoruyıcı teşkilâtlarğa – muar.) faal etmek imkânnı, atta Rusiye qanunlarına köre, qanunsız sürette bermeyler. Yuridik qamaçav yüz bere. 2014 senesi fevral 26 künü mitingniñ keçirilmesi içün insanlarnıñ taqibi ile bağlı soñki adiseler şaşırta», – dedi Tarahkalo.

Onıñ aytqanı kibi, o vaqıttaki adiseler Rusiye qanunlarınıñ çerçivesine kirmey.

«Cinaiy uquqnıñ esas printsiplerine ters kele, mümkün degil. Uquqiy saçma-sapan», – dey fondnıñ başı.

Qırım Taqiqat komiteiniñ reberi Mihail Nazarov aytqanı kibi, 2014 senesi fevral 26 künü işi çerçivesinde 150 insan sorğuğa çağırıldı, 40 insan yaralandı, eki insan qabaatlı olaraq mesülietke celp etildi. Mezkür iş boyunca yaqalanğanlarnıñ arasında – Qırımtatar Milliy Meclis reisiniñ muavini Ahtem Çiygoz bar. «Fevral 26 künü» işi boyunca Qırım uquq qoruyıcıları mitingniñ daa bir iştirakçisi Eskender Kantemirovnı da yaqaladılar.

XS
SM
MD
LG