Link açıqlığı

Amnesty International teşkilâtında Qırımtatar Milliy Meclisiniñ olacaq taqdiri ile bağlı qaseveti bar


Uquq qoruyıcılarda Qırımtatar Milliy Meclisiniñ taqdiri ile bağlı menfiy tüşünceleri bar, olarnıñ fikrine köre, işbu organnıñ temsilcilerine nisbeten akimiyet tarafından ciddiy basqı kösterile.

Bunı Radіo Svobodağa Ukrainada Amnesty International halqara uquq qoruyıcı teşkilâtınıñ müdiri Tatyana Mazur bildirdi.

«Qırımtatar Milliy Meclisi ile bağlı bir sıra mesele bar – yetekçileri Vatanı – Qırımğa qaytıp olamaylar. Şu cümleden, Mustafa Cemilev ve Refat Çubarov. Elbette ki, Meclisniñ olacaq taqdiri ile bağlı qasevet bar», – dey uquq qoruyıcı.

O şunı da bildirdi ki, 2014 senesi mart ayında keçken «referendumğa» qol tutmağan qırımtatarlarnıñ şimdi yarımadada aqları ep bozulmaqta.

«Elbette ki, Rusiyede, şimdi Qırım yarımadasında da resmiy mevam ile razı olmağanlar daima cezalana ve taqip etile», – dey Tatyana Mazur.

Rusiye tarafından 2014 senesi mart ayında Qırım işğal etilgeninden soñ, yarımadada yerli akimiyetniñ siyaseti ile razı olmağan faallerge basqı etilmekte. Qırımda insanlar ğayıp olmağa başladı, qırımtatar ealisiniñ yaqalanuvı yüz bere. Bu kibi areketlerden soñkisi – Qırımtatar Milliy Meclis reisiniñ muavini Ahtem Çiygoznıñ yaqalunvı oldı.

İnsan aqları boyunca Qırım alan eyyetiniñ reis muavini Olga Skripnik ileride Qırım akimiyeti tarafından basqınıñ artacağını qayd etken edi.

XS
SM
MD
LG