Aqmescit merkezini tıqanıqlıqlardan boşata bilecek 110 yañı avtobus işletilecek.
Bunı «Rossiya segodnâ» radiosınıñ efirinde Aqmescit şeer memuriyetiniñ naqliyat ve alâqa idaresiniñ yolbaşçısı Оleg Saltsin bildirdi.
Onıñ sözlerine köre, avtobuslar içine daa da çoq yolcularnı sığdıra bile ve sekiz marşrut boyunca yürecek eken.
«Olar şeerniñ eñ areketçen rayonlarında yürecek: Marşala Jukova, Mate Zalki, Moskva alqası, 7-nci şeer hastahanesi. Böyleliknen, şeer merkezini boşatırmız», – dedi memur.
Saltsin şunı da bildirdi ki, yaqın vaqıtta yañı şeer naqliyatınıñ satın alınması boyunca añlaşmalar imzalanılacaq.
