Link açıqlığı

Qırımtatar Milliy Meclis reisi Refat Çubarovnıñ fikrine köre, Rusiye tarafından işğal etilgen ukrain topraqları qaytarılmasa, Avropa yolu qapalı olacaqtır.

Bunı o Еspreso.TV efirinde bildirdi.

«Qırımtatarlar şimdi kelecegi içün havflı bir vaziyette bulunalar, şunıñ içün mında Qırımnı qaytarırmız degen yalıñız Ukraina prezidenti Petro Poroşenkonıñ qararı degil de, cemiyetniñ muayyen bir areketi olmalı», – dedi Çubarov.

«Ukrain cemiyeti şunı añlamaq kerek ki, bir qısım topraqnıñ coyulması – ukrain devletiniñ coyulması manasında kele. Qırımnıñ, ya da memleketniñ şarqında territoriyanıñ ğayıp oluvı ile razı olıp, biz yañı Avropalı Ukrainanı qurarmız, dep tüşüngenler öz-özüni aldatmasınlar. Qırım ve Donbassız devletimiz olmaz artıq», – dedi o.

Qırım işğali ile bağlı vaqialarnıñ yıllığı munasebeti ile Petro Poroşenko fevral 23 künü ukrain halqınа muracaat etti. Devlet başı Ukraina yarımada üzerinde «nezaretini qaytarır», yarımada sakinleriniñ aqlarına ise artıq riayet etilecegini bildirgen edi.

XS
SM
MD
LG