Link açıqlığı

Saatnıñ esas haberi

Ali Hamzin: qırımlılar Rusiyege Qırımnı Ukraina berdi, dep tüşüne


Qırımtatar Milliy Meclisiniñ tış alâqa bölüginiñ reberi Ali Hamzin
Qırımtatar Milliy Meclisiniñ tış alâqa bölüginiñ reberi Ali Hamzin

Qırımlılar arasında Rusiyege Qırımnı Ukrainanıñ özü bergeni aqqında fikir bardır, – dedi Qırımtatar Milliy Meclisiniñ tış alâqa bölüginiñ reberi Ali Hamzin Radio Svobodanıñ fevral 24 künü Qırım işğaline bağışlanğan «Serbestligiñiz» leyhasında.

«Fevral 20 künü Kiyevde cenk olsa, fevral 26-da separatizm keyfini yoq etmek içün Qırımtatar Milliy Meclisi kütleviy mitingini keçire… Biz aman-aman parlamentniñ içinde edik… Anda qalsa edik, em de ket-kete Nazirler Şurasına da barıp çıqsa edik, ukrain orduları buña seslenip, kelip, bar olğanını köstermege mecbur olur edi. Aqmescit etrafında üç biñ mahsus hızmetçi bar edi», – dedi Ali Hamzin.

Onıñ sözlerine köre, şimdi Qırım meselesinde çeşit usullarnı, «adetiy olmağan» soylarını da qıdırmaq kerek.

«Qırımnıñ artıq böyle vaziyette bulunması mümkün degil. Rusiye ile muzakerelerge başlamaq ve çıqışnı aramaq kerek, belki, qırımlılarnıñ statusını deñiştirip, eki devletniñ – Ukraina ve Rusiye vatandaşı olmağa izin bermek kerek. Qırım içün ayrı status berilse edi, daa eyisi Ukraina ve Rusiye Qırımğa mustaqillik berse ediler, güzel olur edi», – dey o.

Yıl evelsi – 2014 senesi yanvar 23-de Qırımda Rusiye Federatsiyası tarafından yarımadanıñ işğaline yol bergen vaqialar yüz berdi. Bu künü Aqyarda Rusiye bayraqları altında kütleviy miting keçti, neticede şeerniñ yañı başı Aleksey Çalıy, yerli iş adamı, Rusiye vatandaşı, ola.

Aynı şu vaqıtta Aqmescitte Qırımtatar Milliy Meclisi tarafından teşkil etilgen kütleviy miting keçti. Onıñ iştirakçileri Ukraina Yuqarı Şurasından Qırım parlamentini dağıtmaq ve QMC yañı anayasası üzerinde işni başlamağa talap ete ediler. Aqşam «Russiye birligi» firqası Qırım şeerlerini nezaret etecek on «cemiyet nizamını qoruv bölükleri»niñ teşkil etilmesi aqqında ilân etti.

XS
SM
MD
LG