Link açıqlığı

Saatnıñ esas haberi

Qırım işğaliniñ yıllığında cemaatçılar informatsion kampaniyasını başladılar


Ukrainada Qırım işğaline qarşı informatsion kampaniyası başlandı, teşebbüsçileri Qırımdan köçip kelgenlerniñ cemaat teşkilâtları oldı. Kampaniya çerçivesinde fotosergiler, brifing, telemarafon, konferentsiyalarnıñ keçirilmesi planlaştırıla.

Teşkilâtçılardan biri Yevromaydan-Qırım areketiniñ koordinatorı Andriy Şçekun aytqanı kibi, informatsion kampaniyasınıñ maqsadı – «Qırımnı kün tertibine qaytarmaq ve matbuat vastaları ile akimiyetniñ diqqatını bu meselege celp etmektir».

İnformatsion kampaniyası aprel 10-na qadar sürecek ve Ukraina Yuqarı Şurasında Qırım işğaliniñ yıllığı mevzusında cemaat muzakereleri ile yekünler. Kampaniya çerçivesinde Qırımnıñ barışıq qaytarılması boyunca ğaye yarışı, Ukraina Yuqarı Şurasında fotosergi, Ukraina Nazirler Kabinetinde Qırım işğali ile bağlı problemlerniñ al etilmesi boyunca tögerek masa ötkerilecektir.

Teşkilâtçılar arasında – «Krım SOS» cemaat teşebbüsi, «Ukrain evi», «Almenda» maarif merkezi, Strategik taqiqatlarnıñ Qırım institutı, «Yevromaydan SOS», «Gromadske» radiosı ve Qırımdan köçip kelgenlerniñ diger teşkilâtları bar.

Malüm olğanı kibi, Ukrainada fevral 23 künü faaller «Qırım – Ukrainadır» twitter aktsiyasını keçirdiler, aynı şu künü Kiyevde Rusiye elçihanesi yanında Qırım işğaline qarşı narazılıq numayışı keçirildi.

Yıl evelsi – 2014 senesi yanvar 23-de Qırımda Rusiye Federatsiyası tarafından yarımadanıñ işğaline yol bergen vaqialar yüz berdi. Bu künü Aqyarda Rusiye bayraqları altında kütleviy miting keçti, neticede şeerniñ yañı başı Aleksey Çalıy, yerli iş adamı, Rusiye vatandaşı, ola.

Aynı şu vaqıtta Aqmescitte Qırımtatar Milliy Meclisi tarafından teşkil etilgen kütleviy miting keçti. Onıñ iştirakçileri Ukraina Yuqarı Şurasından Qırım parlamentini dağıtmaq ve QMC yañı anayasası üzerinde işni başlamağa talap ete ediler. Aqşam «Russiye birligi» firqası Qırım şeerlerini nezaret etecek on «cemiyet nizamını qoruv bölükleri»niñ teşkil etilmesi aqqında ilân etti.

XS
SM
MD
LG