Link açıqlığı

Saatnıñ esas haberi

Ukraina akimiyeti köçip kelgenler içün yardımnı altı qat arttırmağa teklif ete


Ukraina akimiyeti köçip kelgenler içün maliyeviy yardımnıñ miqdarını 510 million grivnadan 3,3 milliard grivnağa qadar arttırmağa teklif ete. Bunı salı künü fevral 24-de baş nazir muavini, regional inkişaf, qurucılıq ve mesken-kommunal hocalığı naziri Gennadiy Zubko bildirdi.

Radіo Svoboda bildirgeni kibi, Nazirler Kabineti parlamentke mütenasip teklifni endi yolladı.

Gennadiy Zubko qayd etkeni kibi, mecburen köçip kelgenler vaqtınca meskenge, maliyeviy ve ruhiy yardımğa muhtaclar.

«Mecburen köçip kelgenler aqqında qanun qabul etilgen edi, er bir vilâyette müesisselerara idare bölükleri teşkil etildi, bugün göñülliler yerli idare organları ile çalışa, amma biz areketlerni bir tertipke ketirmelimiz», – dep qoştı Zubko.

Fevral 9-na olğan malümatqa köre, Ukraina içtimaiy siyaset nazirligi ATO ve Rusiye tarafından işğal etilgen Qırımdan köçip kelgen bir millionğa yaqın insannı qayd etti.

XS
SM
MD
LG