Qırım akimiyeti Or Qapı rayonında köy hocalığını inkişaf etecek olalar. Bunı Qırım Nazirler Şurasınıñ toplaşuvında iqtisadiy inkişaf naziri Nikolay Korâjkin bildirdi.
Onıñ sözlerine köre, köy hocalığı Or Qapı rayonınıñ bücetini teşkil etken esas alan ola.
«Köy hocalığı şimaliy Qırımnıñ inkişafına siltem bere bile. Or Qapı rayonında qoy asravcılığınıñ inkişaf etmesi mümkün. Mında et ve yün imalı ve işlevi boyunca yekâne sistemanı teşkil etsek, rayonlarnı faal sürette inkişaf etmek içün imkân yaratqan bir alan peyda olur. Cumhuriyet bir yılda 17 biñ tonna qoy eti ve 2,2 biñ tonna yunni işlep çıqara bile»,– dedi Korâjkin.
O, Or Qapı rayonı yüzümcilik içün de kelişken bir region olğanını qayd etti.
Nazirlikniñ malümatına köre, Or Qapı şeeriniñ satqan aşayt malınıñ keliri 2014 senesi 8,9 mlrd rubleni teşkil etti.
