Link açıqlığı

Saatnıñ esas haberi

Qırımlılar qıtaiy Ukrainağa barıp şey alalar


Qırımlılar şey satın almaq içün qıtaiy Ukrainağa çıqmağa areket eteler. Aynı şeyler yarımadada bayağı paalıca olğanı aqqında bildireler. Bunıñ ile Avropa ticariy ağlarınıñ çoqusı Qırımnı daa keçken sene yazda terk ettiler.

«Yaqında Kiyevge bardım. Bayağı şey alıp ketirdim. Fiyatlar bizde olğanından ğayet ücüz», – tarif etti Qırım.Aqiqat mühbirine Kefe sakini.

Daa bir qırımlınıñ aytqanına köre, «ömür arqadaşı ile er üç ay alış-veriş yapmaq içün Hersonğa çıqmağa qarar aldıdar». Em de böyle insanlarnıñ sayısı, qadınnıñ aytqanı kibi, az degil.

Amma bunı tek naqliyat qamaçavı ve «sıñır» nezaret noqtalarında çoq saatlıq nevbetlerden qorqmağanlar yapa bile.

Ukraina 2014 senesiniñ soñunda Rusiye tarafından işğal etilgen Qırım ile yolcu alâqasını yasaqladı. İşğal etilgen Qırımda ise evel qıtaiy Ukrainadan ketirilgen em aşayt malı, em diger mahsulatnıñ qıtlığı duyulmaqta.

XS
SM
MD
LG