OSCE Parlament Assambleyası Qırım senatorı Olga Kovitidiniñ vekâletlerini tanımasa da, Rusiye onı eyyet erkânında qaldıra, dep ayttı salı künü Assambleyadaki Rusiye eyyetiniñ yolbaşçısı, Federatsiya şurasınınıñ halqara komitet reisiniñ birinci muavini Vladimir Cabarov.
«Kovitidini Rusiye eyyetiniñ erkânında çıqarmaycaqmız, bu meseleni er sefer baqsınlar. Qırım – Rusiye Federatsiyasınıñ vekâletli subyeti, Kovitidi ise – Rusiye eyyetiniñ vekâletli azasıdır», – dedi o.
OSCE Parlament Assaibleyasınıñ bürosı fevral 18-de Rusiye Federatsiyasınıñ Olga Kovitidini OSCE PA azası olaraq tayin etmek qararını bir ağızdan red etti. Rusiyeniñ Federatsiya Şurası OSCE Parlament assambleyasınıñ reberligine teşkilâtnıñ areketlerine qarşı narazılıq kösterecegini bildirdi.
Kovitidi Rusiye Federatsiyası tarafından işğal etilgen Qırım ükümetini temsil etken Federatsiya Şurasınıñ azası olaraq tayin etildi.
Olga Kovitidiniñ adı Avropa Birligi tarafından cezalanğan 15 Rusiye vatandaşınıñ cedvelinde mevcut. Olarğa viza berilmey ve esapları qapatıldı.
