Link açıqlığı

Saatnıñ esas haberi

Sorav: rusiyelilerniñ 70 fayızı iqtisadiy buhran olğanını is etmekte


Rusiyelilerniñ 70 fayızı memlekette iqtisadiy buhran olğanını is ete. Yanvar ayında olarnıñ sayısı 62 fayıznı teşkil etken edi, dep bildire «Obşçestvennoye mneniye».

Cevap bergen adamlarnıñ 45 fayızı fiyatlar ve inflâtsiya artqanını, 11 fayızı yaşav derecesiniñ tüşmesini, 12 fayızı işsizlik ve işte qısqartuvlar olğanını qayd etti.

Rusiyeniñ emek nazirliginiñ malümatına köre, bir afta içinde işsiz rusiyelilerniñ sayısı 2 fayızğa arttı. Soñki eki-üç ay devamında soravda iştirak etkenlerniñ 15 fayızı aylığını vaqtında alamadı.

Sorav fevral 14-15 künleri Rusiyeniñ 43 subyektindeki 100 mesken yeriniñ 1500 sakini arasında keçirildi.

Devlet dumasınıñ spikeri Sergey Narışkin fraktsiyalarda deputatlarnıñ aylıqlarını qısqartuv meselesini baqmağa teklif etti. Onıñ aytqanına köre, bunıñ sebebi çeşit teşkilâtlar bücetleriniñ qısqartılması oldı.

Yanvar ayınıñ soñunda Rusiye ükümeti tarafından qabul etilgen buhran ile küreş planına binaen, federal bücetiniñ masrafları bir çoq madde boyunca 10 fayızğa qadar qısqarıtılmalı. Bu qaideler mudafaa, köy hocalığı ve içtimaiy teminlevge ait degil.

XS
SM
MD
LG