Link açıqlığı

Ukraina tarafı mart ayında alacaq gaz parasını ödemedi, bu sebepten gazsız qala bile.

Bunı «Gazprom» Rusiye şirketiniñ idare reisi Aleksey Miller bildirdi.

«Ukraina gaz parasını vaqtında ödemedi. Berilgen para gaznıñ yalıñız 219 million kubometrine yete», – dep qayd etti o.

Millerniñ aytqanına köre, aynıñ başlanmasına qalğan künler ve para ödememesi «gaznıñ Avropağa berilmesi içün ciddiy problemler doğurmaqta».

Fevral 23-te NAK «Naftogaz Ukrainı» «Gazpromğa» muracaatta bulunıp, parası ödengen gaznıñ berilmegenini añlatmağa rica etti: añlaşma çerçivesinde sımarlanğan 114 million kubometr yerine «Gazprom» gaznıñ yalıñız 47 million kubometrini berdi. «Naftogaz» bunı añlaşmanıñ bozulması, em de üç taraflı Brüssel añlaşmasınıñ bozulması olaraq tanıy.

XS
SM
MD
LG