Fevral 25-ten itibaren Aqmescitte qanunsız alda qoyulğan reklamanı ve küçük mimarcılıq inşalarını yıqmağa başlaycaqlar.
Bunı şeer akimiyetiniñ yolbaşçısı Gennadiy Baharev operativ-hocalıq toplaşuvında bildirdi, dep haber ete Krım.Media agentligi.
Baharevniñ aytqanına köre, 307 reklama inşası ve 40 küçük tükân yıqılacaq.
«Şimdiki vazife – reklamanı qoymaq degil, onı alıp taşlamaq. Soñra ise onı doğru yerlerge qoymaq, anda-mında olmasın», – dep ayttı Baharev şeer memuriyetiniñ reklama idaresiniñ yolbaşçısı Alim Calilovğa.
Bilbordlar yol areketiniñ havfsızlıq talaplarına riayet etmeyip qoyulğan olsa, ve alıp taşlanmasa, inşalarnıñ saiplerini 300 biñ rublelik para cezası bekley, dep bildirdiler memuriyette.
