Link açıqlığı

Çubarov: Qabarcılıq ile küreş bürosınıñ yolbaşçısını onıñ beyannamesine köre saylamaycam


Refat Çubarov

Qabarcılıq ile küreş bürosınıñ yolbaşçısını saylağan yarış komissiyasınıñ reisi Refat Çubarov büro reberi vazifesine namzet köstergenlerniñ bergi beyannamasine esaslanmaycağını bildirdi. Bunı o Radio Svobodağa ayttı.

«Men yarış komissiyasınıñ doquz azasından biri olıp, kendi fikrimni beyanname taliline köre şekillendirmeycem. Lâkin bu vesiqanıñ da menim içün qoşma emiyeti bar», – dep qayd etti Çubarov.

Onıñ aytqanına köre, Qabarcılıq ile küreş bürosınıñ reberi vazifesine namzet köstergen bazı adamlarnıñ beyannamelerinde «keçken seneniñ büyük parası» qayd etilgen, olar aqqında munaqaşalar devam etmekte.

Çubarovnıñ fikirince, demek ki, adam «qayd etken er bir kapik içün esabat bermege azır».

Transparency International Halqara qabarcılıq ile küreş ükümetten tış teşkilâtı Milliy Qabarcıq ile küreş bürosınıñ müdir vazifesine berilgen beyannamelerniñ yarısını sahte olaraq tanıy.

Bazarertesi künü, fevral 23-te, Yarış komissiyası Milliy Qabarcılıq ile küreş bürosınıñ müdir namzetleri ile subetleşmek kerek edi. Namzetlerniñ sayısı 100 insandan ziyadedir. Komissiya azaları fevral soñuna qadar subetlerniñ birinci basamağını yekünlemege planlaştıralar. Nevbetteki basamaqlarda akimiyetni temizlev aqqında qanun boyunca subet ve mahsus teşkerüv olacaq.

XS
SM
MD
LG