Qırımnıñ şimdiki yolbaşçısı Sergey Aksenov «Birlik-Yedinstvo» yaşlıq cemaat teşkilâtınıñ lideri Norik Şirin öldürüviniñ taqiqatını nezaret altına almağa vade ete. Bunı Qırım ükümetine yaqın olğan Krıminform saytı bildire.
Aksenovnıñ aytqanına köre, bu cinayetniñ taqiqatı – «uquq qoruyıcılarnıñ şeref meselesidir». «Şübesiz, bunıñ kibi er bir iş akimiyetniñ nezareti altına alınmalı – insannı öldürdiler. Uquq qoruyıcı organlarnıñ şeref meselesi müimdir, ve eminim, politsiya elinden kelgenini yapacaq», – dedi o.
Aksenov cinayetniñ siyasetnen alâqası olğanını aytıp, izaatlardan vazgeçti.
Neşirniñ malümatına köre, Tavriya milliy universiteti iqtisadiyat fakultetiniñ 5-inci kursnıñ 22 yaşında studenti, «Birlik-Yedinstvo» Qırım cumhuriyet yaşlıq cemaat teşkilâtınıñ reisi 2006 senesi dekabr 19-dan 20-ne keçer gecesi öldürilgen edi. Onıñ cesedi Şirinniñ evindeki garajda turğan maşinada tapıldı.
