Link açıqlığı

Bazarertesi künü, fevral 23-te, terakt neticesinde yaralanğan 15 yaşında Daniil Didık Harkov hastahanesinde can berdi. Bunı Ukraina Yuqarı Radasınıñ deputatı Anton Geraşçenko Facebook saifesinde yazdı.

«Onıñ qabaatı şunda ki, o, yañı Ukrainanıñ vatandaşı olaraq Maydan yıllığına bağışlanğan numayışqa çıqtı... Putin terrorınıñ qabaatsız qurbanlarına ebediy hatıra», – aytıla beyanatta.

Geraşçenkonıñ qayd etkenine köre, fevral 24-te saat 13.30 Harkovnıñ Militsiya medeniyet evinde Harkov teraktı neticesinde elâk olğan militsiyanıñ podpolkovnigi Vadim Rıbalçenko ile vedalaşacaqlar. Evromaydan faali İgor Tolmaçev ile çarşenbe künü vedalaşacaqlar. Tam vaqtı ve yeri daa belli degil.

Baş prokurornın muavini Vladimir Guzırniñ bildirgenine köre, Harkovda tünevin olıp keçken patlavnı ögrenecek mahsus taqiqat gruppası meydanğa ketirildi.

Fevral 22-de Harkovda Menlik yürüşi vaqtında olıp keçken terakt neticesinde 3 insan elâk oldı, 10 kişi yaralandı. Uquq qoruyıcılar ücümni terakt olaraq belgilediler. Ukraina havfsızlıq hızmeti patlavğa alâqası olğanında şeklengen dört insannı yaqaladı.

Bazarertesi künü, fevral 23-te, Harkovda matem künü ilân etildi.

XS
SM
MD
LG