Link açıqlığı

İşğal etilgen Qırımda qalğan Ukraina Cenübiy regionınıñ arbiy prokuraturası Ukraina Arbiy-deñiz quvetleri 6000 arbiyiniñ askerlikten qaçınuvını qayd etti. Bunı bazarertesi künü, fevral 23-te, Ukraina Cenübiy regionınıñ arbiy prokurorı Pavel Bogutskiy brifingde bildirdi, – dep haber ete matbuat hızmeti.

Arbiylerni cinaiy mesüliyetke çekmek içün qıdıralar, – dep ayttı arbiy prokuror.

Ukraina Yuqarı Radasınıñ deputatı Anton Geraşçenko dedi ki, Rusiye tarafına keçken ukrain flotunıñ 6 biñden ziyade deñizcisi «Barıştırıcı» saytınıñ malümat cedveline – separatistler ve terroristlerniñ cinayetleri boyunca bazağa – kirsetildi.

Onıñ aytqanına köre, «Aqyarda qalğan belgisiz vatanperverler» Rusiyeniñ Qara deñiz flotunıñ hadimler bazasını baqmağa imkân berdiler.

XS
SM
MD
LG