Yerli akimiyetniñ matem tedbirlerni keçirmek yasağına baqmadan, Aqyarda fevral 23-te qırımtatarlar Noman Çelebicihannıñ hatıra tahtasına çeçeklerni ketireler.
Qırım.Aqiqatnıñ mühbiri bildire ki, adamlar gruppalarnen Noman Çelebicihannıñ hatıra tahtasına kelip, çeçeklerni qoya ve dua oquylar. Bir de bir kütleviy tedbirler keçirilmey, lâkin politsiya nevbetçilik yapa.
Aqyar regional meclisiniñ vekili Qırım.Aqiqatqa bildirdi ki, planlaştırılğan tedbirde dua, çeçekler qoyulması, balalar tarafından Noman Çelebicihannıñ şiir oqunması bar edi.
Lâkin şeer akimiyeti provokatsiyalar ola bile dep, qırımtatarlarğa matem tedbirni keçirmege izin bermedi.
Hatırlatamız, 2014 senesi mart ayında Rusiye Federatsiyası Qırım ve Aqyarnı işğal etken soñ qırımtatarlarğa qarşı repressiv areketler yapılmağa başladı.
