İnguşetiyada fevral 23-te 1944 senesiniñ Stalin sürgünligi qurbanlarını añalar. 650 biñ çeçen ve inguş Qazahistan ve Orta Asiyağa sürgün etilgen edi.
Sürgünlik sebebi olaraq cenk vaqtında kütleviy sürette askerlikten vazgeçüv ve sovet arqasında silâlı isyan azırlanması ilân etilgen edi. Sürgün olunğanlarnıñ yarısı yaşav şaraitlerine dayanamayıp, yolda elâk oldı. 1957 senesi sağ qalğan çeçen ve inguşlarğa evine qaytmağa izin berildi.
Çeçenistanda Stalin sürgünliginiñ 71 yıllığı munasebeti ile matem tedbirleri keçirilmeycek. Hatıra ve qaar künü cumhuriyette er yıl fevral 23-te qayd etilgen edi, lâkin 2012 senesi Çeçenistan yolbaşçısı Ramzan Kadırov hatıra kününi mayıs 10-na avuştırdı – cumhuriyetiniñ birinci prezidenti Ahmat Kadırovnıñ ölüm kününe.
