Şçolkino şeer şurası şeerniñ merkeziy meydanına «Qırım baari» adını bermege qarar aldı.
Bunı Şçolkino şeer şurasında e-Krım agentligine bildirdiler.
Şeer şurası bildire ki, qarar «2014 senesiniñ fevral-mart aylarında olıp keçken tarihiy vaqialar, Şçolkino sakinleri iştirak etken Qırımnıñ Rusiye ile qansız birleşüvinen» bağlı.
«Qırım baari» olaraq 2014 senesi mart ayında keçirilgen sahte ve qanunsız referendum vaqialarını adlaylar. Onıñ neticesinde Rusiye Qırımnı kendi terkibine aldı. Ne Ukraina, ne Avropa Birligi, ne de Amerika Qoşma Ştatları işbu rey berüvni tanıp, Rusiye Qırımnı işğal etkenini bildireler.
