Link açıqlığı

Fevral 23-den martnıñ 15-ne qadar köçip kelgenler yarımadanıñ Rusiye tarafından işğali yllığı munasebeti ile «Qırım – Ukrainadır» aktsiyasını keçirecekler. Bu sebepten bazarertesi künü Kiyevde Rusiye elçihanesi yanında mitingniñ keçirilmesi planlaştırala.

Bunı «Almenda» vatandaşlıq maarifi merkezinde bildireler.

«Almenda» ve «Qırımdan mecburen köçip kelgenlerniñ teşkilâtlarını idare şurası» fevral 23 künü saat 11:00 Vozduhoflotskiy caddesi, 27 adresi boyunca yerleşken Rusiye elçihanesini yanında keçirilecek numayışqa qoşulmağa çağıralar.

Teşkilâtçılarnıñ aytqanı kibi, numayışta Rusiye istilâsınıñ foto-faktlarınıñ sergisi taqdim etilecek.

2014 senesi fevralniñ soñunda – martnıñ başında Rusiye ve Rusiyeniñ Qara deñiz flotunıñ qırım bölüklerinden ordular Qırım yarımadanı zapt ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne AQŞ neticelerni tanımadı ve bunı Rusiye tarafından Qırımnıñ işğali olaraq sayalar.

XS
SM
MD
LG