Harkovnıñ merkezinde barışıq yürüş vaqtında patlav yüz berdi. Eñ azından eki kişi elâk oldı.
Elâk olğanlardan biri – Harkov «Samooboronasınıñ» temsilcisidir.
İnterfaks-Ukraina neşiriniñ uquq qoruyıcı organlarda olğan qaynaqlarnıñ malümatına köre, beş insan yaralandı.
Patlav Sport sarayından Anayasa Meydanına keçmek içün kolonnanıñ şekillengen yerinde yüz berdi. Anayasa Meydanında terrorizmge qarşı tedbirlerde elâk olğan askerlerni añacaqlar. Qaynaqnıñ bildirgenine köre, adamlar yürüşke başlaycaq sırada kolonnanıñ başında patlav yüz berdi.
Anayasa Meydanında eki kolonna körüşmek kerek. Ekincisi Şevçenkonıñ eykelinden kelecek – Harkovnıñ Yevromaydanı toplaşqan yerinden.
