Rusiyege qoltutqan boyevikler Donetsk vilâyetinde Avdeyevka şeerine ateş açtılar.
Donetsk vilâyetinde İçki işler nazirliginiñ vilâyet idaresiniñ yolbaşçısı Vâçeslav Abroski Facebook saifesinde bildirdi ki, cumaertesi künü, fevral 21-de, boyevikler Avdeyevkanıñ İndustrialnıy rayonında «Brevno» qavehanesine ateş açtılar. Neticede üç insan elâk oldı.
Malümat ögrenile. Vaqia yerinde Avdeyevka şeer militsiyasınıñ taqiqat-operativ gruppası çalışmaqta.
Hatırlatamız, cumaertesi künü, fevral 21-de, Kiyevdeki brifingde ATO matbuat kâtibi Andriy Lısenko bildirdi ki, Mariupol tarafında boyevikler cenk tehnikasını toplaylar.
