Mariupol tarafında boyevikler cenk tehnikasını toplaylar.
Bunı cumaertesi künü, fevral 21-de, Kiyevdeki brifingde ATO matbuat kâtibi Andriy Lısenko bildirdi, dep haber ete UNİAN.
«Mariupol tarafında Mariupol şeerine ücüm etmek maqsadı ile duşmannıñ cenk tehnikası, silâ ve boyeviklerniñ sayısı arttırıla», – dedi o.
ATO matbuat merkezi bildirdi ki, fevral 20-den 21-ne keçer gecei terrorizmge qarşı tedbirler alanında duşmannıñ istihbarat areketleriniñ artması qayd etildi.
Boyevikler toplarnı ve gradlarnı qullanmağa devam eteler.
«Böylece, Vodânoye ve Stepnoye qasabalarına «Gradlardan» ateş açıldı, Şirokino, Peski, Avdeyevka ve Vodânoye qasabalarına ise toplar ve minaatıcılardan ateş açıldı», – dep qayd ete ATO matbuat merkezi.
Umumen, gece devamında boyevikler ukrain askerleriniñ noqtaları ve mesken yerlerine 10 kere ateş açtılar.
