Link açıqlığı

2014 senesi fevral 20-de Kiyevde olıp keçken Kök yüzüniñ qurşunğa tizilüv videosı ağda peyda oldı.

Videoda birinci prorıv, silâlı mahsus bölüklerniñ sarı şeritler ile kelmesi mevcut, dep haber ete TSN.

Çeçek saati üzerinde qurşunğa tizüv, ekinci prorıv, «Miron» snayperler gruppasınıñ radio yaqalavı ve belgisiz gruppanınıñ radio yaqalavı.

Videoda – saat 08.55 başlap saat 11:37 qadar İnstitutskaya soqağındaki vaqialar.

Hatırlatamız, fevral 20-de Ukrainada Kök Yüzü Qaramanlarınıñ Künü qayd etile. Malüm olğanı kibi, 2014 senesi fevral ayında Kiyev merkezinde arbiyler ve narazılıq bildirgenler arasında yüz bergen çatışmalarda yüzden ziyade insan elâk oldı, yüzlernen kişi yaralandı, eñ büyük çatışmalar fevral 20-de olıp keçken edi.

Adamlarnıñ ekseriyeti nişancılarnıñ qurşunlarından elâk oldı. Soñra narazılıq aktsiyasınıñ elâk olğan iştirakçilerine «Kök yüzü» aytmağa başladılar. Baş prokuraturanıñ malümatına köre, Yevromaydan vaqtında 2,5 biñ insan zarar kördi, olardan 104 kişi elâk oldı. Yevromaydan iştirakçileriniñ öldürilüvi aqqında iş çerçivesinde mahkemegge 8 qabaatlayıcı vesiqa berildi.

XS
SM
MD
LG