Link açıqlığı

Yanukoviçni Qırımda ukrain spetsnazı yaqalaycaq edi – Turçinov


Ukraina milliy havfsızlıq ve mudafaa şurasınıñ kâtibi, Yuqarı Radanıñ sabıq spikeri ve prezident vazifelerini vaqtınca eda etken Oleksandr Turçinov Ukrainanıñ sabıq prezidenti Viktor Yanukoviçniñ qaçuvından soñ Qırımğa 10 insandan ibaret mahsus bölükni yollağan edi.

Bunı o «1+1» telekanalında bildirdi, dep haber ete UNİAN.

«Meni Yuqarı Radanıñ reisi olaraq saylağanda Yanukoviç Mejigoryede degil edi. Ukrainağa sadıq qalğan sıñırcı ve arbiylerge bergen ilk emirlerimden biri – sıñırnı qapatmaq edi», – dedi o.

«Şunıñ içün Yanukoviç Qırımdan qaçıp ketti, o, Rusiye Federatsiyası Qara deñiz flotunıñ arbiy bazasına kelip, andan Rusiyege tahliye etildi», – dep ayttı Turçinov.

«Bizler anda (Qırımğa – muar.) 10 insandan ibaren mahsus bölükni yollağan edik, lâkin olar Qırımdan onıñ Rusiye Arbiy deñiz quvetleriniñ arbiy bazasında bulunğanını tasdıqladılar. O, anda olmaqtan bile qorqqan edi ve aynı bu sebepten arbiyler onı Rusiyege alıp kettiler», – dep qayd etti o.

«Qalğanları da Yanukoviçnen aynı vaqıtta qaçıp kettiler, lâkin olarnıñ çoqusı parlamentte ukrain akimiyeti ğayrıdan tiklenmege başlanmazdan evel bile sıñırdan keçmege yetiştirdi», – dep qayd etti Turçinov.

XS
SM
MD
LG